Јаболковиот оцет има многу корисни ефекти врз нашата коса и скалпот – го обновува сјајот на косата, го зајакнува, спречува опаѓање, се обновува оштетувањето предизвикано на косата од штетни агенси и топлина, помага да се уништи габата што се развива на скалпот што доведува до првут, го отстранува вишокот себум и го намалува мастењето на косата.
Јаболковиот оцет треба да го користите во однос на кој специфичен проблем го имате со вашата коса или скалпот.
Јаболков оцет за сјај на косата
Доколку сакате да го вратите сјајот на вашата коса, доволно ќе биде да ја исплакнете косата еднаш неделно со раствор направен од 2 лажици јаболков оцет и две чаши млака вода. Исплакнете ја косата со овој раствор по миењето, почекајте најмалку 4 минути растворот да одстои на вашата коса и потоа повторно исплакнете само со вода.
Јаболков оцет за иритиран скалп
Ако вашиот скалп е иритиран, често чувствувате чешање и непријатност, или имате габично заболување на скалпот, јаболковиот оцет има антифунгални и антисептички својства, што ќе ја елиминира непријатноста и ќе се справи со габите, и PH вредноста на скалпот ќе ја вратите во нормална рамнотежа. Можете да користите јаболков оцет за лекување на скалпот со мешање на една чаша домашен јаболков оцет со две чаши ладна вода. Исплакнете по должина на целата коса, и нежно масирајте го темето на главата. Оставете го растворот да делува 10 минути, а потоа исплакнете со млака вода.
Јаболков оцет за масна коса и скалп
Ако вашиот скалп е мрсен и вашата коса се масти брзо, можете да го елиминирате овој проблем со јаболков оцет, што ќе се потруди да го елиминира вишокот на себум од скалпот и со тоа ќе го забави процесот на мастење. Растворот за решение за мрсен скалп можете да го направите со две чаши јаболков оцет и една чаша сецкан магдонос. Јаболковиот оцет прелигте го врз магдоносот, покријте го и оставете го во фрижидер две недели. Кога растворот ќе одстои, две третини од растворот разредете ги со чаша лесна вода, и исплакнете ги темето и косата. Оставете го да одстои 10 минути, а потоа исплакнете.