Северина Којиќ мора да плати парична казна во сеуште неодреден износ, бидејќи не ја почитувала одлуката на Општинскиот Суд во Дубровник, според која има забрана да објавува фотографии од синот на социјалните мрежи Facebook и Instagram.
Судот исто така и наложил во рок од осум дена од стапувањето на сила на решението да ги отстрани неговите фотографии од социјалнните мрежи. А според одлуката, доколку Северина тоа не го направи мора да плати 650 евра парична казна, која ќе се дуплира секој пат кога нема да ја почитува забраната.
Да ве потсетиме дека пред ова Северина од судот е казнета со 340 000 евра бидејќи без дозвола од вториот старател објавувала фотографии од синот на Instagram. Основната казна била 3 600 евра но таа потоа објавила уште неколку фотографии и секоја следна казна се дуплирала, а на конечната казна треба да се додадат и бројни камати. Оваа казна Северина треба да ја плати оваа недела, што ја отежнува целата ситуација во која се наоѓа Северина.
