Повеќето луѓе имаат лоша навика, без разлика дали тоа е гризење на ноктите или кубење на косата. Многумина ги развиваат овие навики како деца и ги пренесуваат во нивните возрасни години
Колку повеќе старееме, потешко е да се откажеме од лошите навики што ги стекнавме во детството, бидејќи тие стануваат составен дел од нашата секојдневна рутина. Експертите предупредуваат дека овие навики можат да се манифестираат во понатамошни здравствени проблеми.
Сара Џарвис, општ лекар и директор на Patientaccess.com, рече дека постои голема разлика помеѓу некој што само повремено ги гризе ноктите и луѓето кои не можат да излезат од дома без да направат одредено дејство. Таа рече дека многу работи можат да предизвикаат такви навики, вклучувајќи го и акутниот стрес што многумина го доживеале за време на пандемијата на вирусот корона.
– Понекогаш нема причина за тоа. Првото нешто што треба да се направи е да се утврди дали е тоа лоша навика или нешто друго. Ако, на пример, некогаш не требаше постојано да се мијат рацете, можеби таа навика сега е надвор од контрола поради Ковид-19 – рече таа.
Антидепресивниот третман ќе биде неопходен само во екстремни сценарија кога однесувањето ќе го заземе животот на една личност. Овие однесувања се принудни и честопати се предизвикани од некои нарушувања во менталното здравје, како што се аутизмот и Аспергер, и понекогаш можат да бидат поврзани со анксиозност, додаде таа.
Некои повторувачки однесувања се почести од другите, а понекогаш се сведува на тоа колку се достапни. Најчесто вакво однесување е грицкање нокти, нишање и виткање коса, рече др. Емека Окороча.
Тиковите може да бидат предизвикани и од моменталниот стрес. „Работите како кубење коса, потење и тресење се начини да се утврди дали некој е нервозен“, вели Окороча. Таа вели дека луѓето развиваат навики од различни причини и дека возраста и полот исто така можат да влијаат на тиковите и на однесувањето.
