Меган Маркл и принцот Хари решија да преземат правни активности за да обезбедат приватност во нивниот дом. Адвокатот на двојката, Мајкл Кумп, вели дека двајцата решиле да поднесат жалба откако дознале дека еден фотограф, чие име не е познато на јавноста, го фотографирал нивниот 14-месечен син Арчи во област на приватна сопственост. Иако споменатиот фотограф најпрво изјавил дека ги купил тие фотографии, тој подоцна истакна дека тие се направени за време на јавна посета на Малибу. Но, адвокатот тврди дека Арчи никогаш не се појавил во јавноста со своите родители во таа област.
Иако тие ставија мрежеста ограда низ целата куќа за да се заштитат себеси, се чини дека тоа не е доволно. Кумп тврди дека семејството е постојано изложено на рушење на приватноста и дека беспилотни летала и хеликоптери летаат над нивната резиденција секој ден.
„Иако Меган и Хари не го знаат идентитетот на фотографот кој го прекрши законот, тие бараат од судот да го открие неговото име и да биде одговорен за неовластената работа што ја извршил. Тие бараат паричен надоместок и сакаат конечно да се стави крај на овие незаконски активности “, заклучи адвокатот.