„Смеата е најдобриот лек за стресот. Така било отсекогаш, така и ќе остане“, тврди 28-годишниот илустратор Андријана Весович. Не е изненадувачки што одлучи да го искористи својот талент за цртање за да им помогне на сите луѓе за време на пандемијата на корона вирусот да можат да уживаат во нивните денови.
Под уметничкото име Зомбијана Коски, младата Црногорка објавува духовити илустрации на своите Инстаграм и Фејсбук профили со кои некои луѓе можат да се идентификуваат.
Таа посебно воодушеви со својата серијата од цртежи со тема: Како хороскопските знаци се однесуваат во изолација, (што можете да ги видите во нашата галерија), кои го развеселија целиот регион.
На нејзините илустации, овенот не ги соблака неговите пижами преку целиот ден, вагата игра игри преку целиот ден и се преправа дека е добро, додека карциномот лаже и кука.
„Јас воопшто не го разбирам хороскопот, само се забавувам“, тврди Зомбијана, истакнувајќи дека ја добила идејата за цртежи на социјалните мрежи.
Таа нема проблеми со самоизолацијата.
За мене изолацијата е одлична затоа што мојот живот и пред пандемијата беше ваков – работа од дома. Само ми недостасува да ги гледам своите пријателите. Јас ја споделувам мојата работа со луѓето, па ако некој најде одредена корист од тоа или е инспириран да направи нешто слично – одлично.
Иако таа не може да замисли да работи друга работа денес, цртањето не била нејзина прва љубов.
„Сакав да направам се и сешто, и цртав само како хоби сè додека не решив во средно училиште дека сакам да се запишам на уметнички колеџ“.
Повеќе од десет години цртала исклучиво на „старомоден начин“ – на хартија, а во последно време започнала да прави дигитални цртежи. Покрај остар хумор, во нејзините цртежи можат да се најдат и критики за социјалните околности, но и во многу љубов, топлина и емпатија.
Таа на Инстаграм постираше илустација од својот фрлен планерот за 2020 година во корпа за отпадоци, но тоа не значи дека се откажала од своите планови за иднината.
„Сакам да бидам среќна, тоа ми е најголемиот план во животот“, заклучува Андријана Весович.