Лагуната се создала со поплавување на дел од каменоломот кој бил затворен во 1950-тите, кој бил користен како складиште за хемиско оружје од страна на Кралските воздухопловни сили за време на Втората светска војна …
Во напуштениот каменолом „Derbyshire“ на Harpur Hill кај Buxton, погледите на многумина биле привлечени кон зачудувачката Сина лагуна. Иако има околу себе знаци кои ги предупредуваат луѓето да не остануваат во таа област и да не пливаат во таа вода затоа што pH вредноста е штетна за здравјето на поединецот, ретко се почитуваат правилата.
Лагуната се создала со поплавување на дел од каменоломот што се затворил во 1950-тите, што исто така бил користено како складиште за хемиско оружје од страна на Кралските воздухопловни сили за време на Втората светска војна. Со години, лагуната исто така била место на кое се фрлало многу отпад, а денес може да се најде сè, од ѓубре до телата на мртви животни.
Студиите покажаа дека водата во лагуната е опасна и може да предизвика иритација на кожата и очите, проблеми со желудникот и бактериски инфекции. Верувале или не, овие предупредувања имале мал ефект врз луѓето. Единствениот начин да се спречи приближувањето на лагуната било да се претвори во непривлечна за човекот.
Локалните власти неколку пати во минатото фрлале црна боја во лагуната за да ја намалат нејзината привлечност кај луѓето кои сакале да пливаат. Тие го повториле тоа и пред неколку дена. Иако Обединетото Кралство е во карантин и жителите треба да практикуваат социјално дистанцирање, убавото време ги привлекло пливачите кон Сината лагуна.
„Добивме извештај дека луѓето се собираат во Сината лагуна во Harpur Hill кај Buxton“, изјави портпаролот на полицијата во Derbyshire за „Derbyshire Times“. „Тоа е секако поради живописната локација и убавото време. Сепак, локацијата е опасна и овој вид собирање е спротивно на сегашните наредби на британската влада“. Целата акција ја овековечија со фотографии, кои потоа беа објавени на официјалниот профил на Фејсбук на полицијата Buxton.