Како што одминува времето, влијанието на седењето пред компјутер се рефлектира на нашата кожа. Прашавме професионални дерматолози, каква штета навистина ни прави седењето пред компјутер? Видната, сина светлина што ја испуштаат екраните е главната причина за стареење на кожата и појава на темни дамки. Како и мобилните телефони, на кои гледаме исто толку често, компјутерските екрани исто така придонесуваат нашата кожа да биде изложена на штетни емисии на светлина, како никогаш досега.
Што е сина светлина?
Сината светлина е една од брановите должини на видливата светлина. Од друга страна, видливата светлина е една од компонентите на сончевата светлина, позната и како сончев или електромагнетски спектар – објаснуваат дерматолозите. Сончевиот спектар се состои од зраци со различни должини – од оние со кратка бранова должина, преку ултравиолетово и сè до видлива светлина, како и инфрацрвено зрачење. Видливата светлина се распаѓа во неколку бои на виножитото – од виолетова до сина и црвена боја.
Негативните ефекти на УВА и УВБ зраците се познати во јавноста, но неодамна беа спроведени истражувања за штетните ефекти на видливата сина светлина. Ефектот на сина светлина се чувствува во губење на колагенот што е под површината на кожата, како и модификација на природни масла кои се во најдлабокиот слој на кожата. Предвременото стареење на кожата, сувоста и хиперпигментацијата се несакани ефекти.
Како да се заштитиме од сината светлина?
Покрај очигледната постапка што вклучува помалку време поминато пред екранот, се препорачуваат и крем за сончање базиран на минерали. Тие помагаат при филтрирање на видливата светлина. Внимателно погледнете во составот на сончање и проверете дали содржат цинк оксиди и титаниум диоксид.