Сојата е мешункаст зеленчук кој потекнува од Источна Азија. Се користи како суровина за производство на масло, но исто така се повеќе е присутна во секојдневната исхрана.
Сојата е многу важна храна во азиската кујна. Просечен Азиец јаде 20-80 гр соја и производи од соја дневно. Сојата се карактеризира со присуство на високо квалитетни протеини. Исто така, поради присуството на фитоестрогени, му се припишуваат некои позитивни здравствени ефекти.
Сојата генерално се смета за соодветна замена за протеините добиени од животинско потекло. Токму поради ова, таа е една од главните намирници во исхраната на вегетаријанците и веганите.
Оваа универзална храна може да се користи во различни форми и да се меша во многу јадења. Сушената соја ретко е дел од секојдневните оброци во западните земји. Другите мешунки, како наут или грав, почесто се користат. Едамам е незрела соја. Тие имаат зелена боја и најчесто ги има во продавниците во замрзната форма, а се подготвуваат како обични мешунки.
Соја млеко се произведува со натопување и сечкање на соја. Не е млеко во вистинска смисла на зборот затоа што не содржи никаков вид на животинско потекло. Затоа се продава во продавници под името млеко од Соја. Тофу се произведува слично како сирењето – со коагулација на протеини од соино млеко и одвојување на згрутчените протеини од течност, и може да се јаде свеж, парен, печен или пржен.