Ќе можеме ли да патуваме од 17 август во Грција со негативен ПЦР тест?
На брифинг што го одржала грчката Влада, односно портпаролот на Владата Аристотелија Пелони, а кој се однесувал на сопстојбата со Ковид-19 биле соопштени повеќе детали во врска со рестриктивните мерки.
„Што се однесува до копнените граници, од 17 август, е задолжително да се прикаже негативен тест за молекуларна контрола (тест PCR) за сите лица кои влегуваат од копнените граници. Тестот не смее да биде постар од 72 часа пред да влезе во Грција. Грчките граѓани и оние лица со дозвола за престој исто така се должни да го прикажат тестот. Тестот мора да се изврши во земјата на потекло, а не во Грција“, се вели во одговорот што го добивме од Грчката канцеларија за врски.
Оттаму појаснуваат дека ова не значи дека сите копнени граници ќе бидат отворени на 17 август.
Она што засега сигурно го знаеме, е дека до 15 август Евзони и дргите гранични премини со Северна Македонија остануваат затворени. А доколку се донесе одлука да биде отворен, ќе бидат задолжителни ПЦР тестови за сите што ќе влегуваат во Грција.
Инаку од Грчката канцеларија за врски велат дека после видео конференцијата што ја одржал денес премиерот Киријакос Мицотакис со надлежните министри, владини функционери, шефот на Комитетот за заразни болести, професорот Сотирис Циодрас и понатаму на предлогот даден од Комитетот, донесени се следниве решенија.
Прво: 85-от Меѓународен саем во Солун, закажан за 5 до 13 септември 2020 година, нема да се одржи. Премиерот ќе биде присутен во Солун на одржувањето на вообичаениот говор на 5 септември, обраќајќи се на ограничена публика.
Второ: Врз основа на курсот и проценката на епидемиолошките податоци, решено е дека од 17 август за да влеземе во Грција, задолжително е при пристигнувањето да се прикаже негативен резултат на молекуларен тест за Ковид-19 (тест за ПЦР). Тестот треба да се изврши до 72 часа пред да влезе во Грција, за патувања со авион од: Шведска, Чешка, Белгија, Шпанија и Холандија.
Трето: Што се однесува до копнените граници, од 17 август, е задолжително да се прикаже негативен тест за молекуларна контрола (тест PCR) за сите лица кои влегуваат од копнените граници. Тестот мора да се изврши до 72 часа пред да влезе во Грција. И Грчките граѓани и оние лица со дозвола за престој исто така се должни да го прикажат тестот. Тестот мора да се изврши во земјата на потекло, а не во Грција.
Четврто: Од 16 август ќе има лимит во дозволениот број на граѓани на граничниот премин Какавија, со Албанија. Поточно, од 16 август ќе можат да преминат до 750 луѓе на ден.
Петто: Секој јавен настан, на кој учесниците стојат, вклучувајќи концерти и претстави, е суспендиран низ целата земја.
Шесто: Врз основа на податоците и епидемиолошката состојба, беше решено да се забрани работењето на продавниците за здравствени интереси во периодот од 12.00 часот по полноќ до 7,00 часот наутро од 11 до 23 август, во следниве области:
Регионите на Крит, Источна Македонија и Тракија,
Регионалните единици на Солун, Халкидики, Лариса и Крф,
Општините Миконос, Парос, Санторини, Волос, Катерини, Родос, Антипарос, Закинтос, Кос.
Забраната може да биде проширена и во други области, па дури и хоризонтално, во зависност од еволуцијата на епидемиолошките податоци.