Не само што бројот на партнери сè уште е табу-тема во овие простори, туку и одговорите главно се криени како нозе од змија. И додека од една страна имаме фалбаџии кои „свртија половина од градот“, што честопати ги прави „главни фаци“ во општеството, генерално се смета дека дамите не сетреба да имаат голем број партнери. Ако пред сè го поставиме прашањето зошто генерално е важен бројот на партнери, покрај „вежба до совршенство“, доаѓаме и до некои подлабоки теми – од здравје до психолошки аспекти.
Во истражувањето на сајтот Illicit Encounters, една од водечките британски страници за средби, во која беа опфатени над илјада испитаници, беше поставено само едно прашање „Колку љубовници би сакале вашите партнери да имате“?
Речиси 40% од жените и мажите се согласија дека идеалниот број е помеѓу 8 и 12 сексуални партнери. Се над 20, испитаниците ги оценија како претерано. И двата пола одлучија дека златната средство е најдобро, односно дека 10 партнери се доволни.
Друга студија, спроведена на 33.000 испитаници, покажа колку партнери имаат младите луѓе пред да достигнат средна возраст. Иако можеби мислите дека сите млади размислуваат за секс, студијата покажа дека денешната младина е повеќе насочена кон развој и професионално усовршување.
Хелен Фишер, антрополог од универзитетот „Раџерс“, истакна дека студијата покажала дека денешната младина ќе има околу осум партнери во просек, додека нивните родители ќе имаат меѓу десет и единаесет до крајот на животот, па дури еден од три 20-годишници никогаш немал сексуален однос. Таа додаде дека, иако се младии, поголемиот дел преферираат посветеност кон партнерот и разбирање на ризичното однесување.
Професорот Кларк Џефри Анет истакна дека ваквите резултати не го изненадуваат, затоа што денешните генерации пораснале знаејќи за ХИВ и СИДА, но и за многу други болести. Кога нивните родители биле на нивна возраст, тие болести не постоеле, а безгрижната љубов била добра идеја, додавајќи дека младите луѓе користат кондоми до онаа мерка колку што нивните родители никогаш не користеле.