Кучињата во кралскиот дворец живеат подобро од персоналот
Не е тајна дека британскиот кралски суд е „оаза“ на луксузот. Кралицата, кнезовите, принцезите, војводите и војвотките – уживаат само во најдоброто. За нивниот живот да остане удобен како и до сега, секојдневно се грижи ’армијата’ од персонал, готвачи, стилисти, возачи, чувари, собарки, батлери …
Но доста интересно е дека кучињата на Кралицата Елизабета , две корги, исто така познати и како кучиња со “најсладок заадник во светот “, живеат подобро од повеќето од „обичното “население, а луксузот кој им е “на дланка” , повеќето од нас можат само да го сонуваат.
Сето ова го откри поранешниот готвач на кралското семејство, Дарен МекГрејди, кој исто така откри и во своето видео на Јутјуб како готви деликатеси особено за кучињата.”Кога започнав да работам во Бакингемската палата, не очекував да готвам за кучињата на кралицата. Во тоа време имаше 12, а дури 30 за време на нејзиното владеење. Мислев дека ќе готвам за кралеви, кралици и претседатели. Некое време и готвев, но во почетокот готвев за коргите. Подготвував свежа храна за нив секој ден. Тие имаа свое мени“, започна тој со исповед, што шокираше многумина.
Готвачот, кој работел во палатата 15 години, детално опишал што и како се подготвувал за кралските кучиња. Морав да вложам многу напори кога го подготвував менито за кучињата. Нивните оброци вклучувале зајак, пилешко месо, црн дроб, говедско месо, зелка и ориз. Најважното нешто во врска со месото беше тоа што требаше да се сече на мали парчиња. Никаде не смее да има коски. Замислете ако кучето се задушеше, ќе бев во голема неволја “, рече тој.
Сепак, ова не е крај на луксузот што го уживаат миленичињата на кралицата, кои исто така уживаат во кралскиот третман ноќе. Имено, кутрињата имаат свои слуги кои ја поминуваат целата ноќ под “будно око” за да се осигураат дека ништо не им недостасува. „Тие спијат во својата луксузна соба во мали плетени корпи, украсени со панделка, и ги надгледуваат двајца слуги. „Кученце 1“ и „Кученце 2“, така се викаа “, откри Дарен.
