Karl Lagerfeld, легендарниот моден дизајнер своето огромно царство од 172 милиони евра им остави на своите најблиски луѓе и на неговата мачка Choupette, која сама по себе стана бренд.
Исто така, корисник на неговото наследство е и куќната помошничка, којашто има за задача да се грижи за неговата мачка Choupette.
Мачката, којашто Karl ја нарекуваше своја најголема љубов и за којашто изјави дека би се оженил со неа, доколку е легално, покрај него водеше навистина луксузен живот. Нејзиниот лик заработи огромна сума на пари преку разни кампањи и реклами.
Се зборува и дека дел од богатството добиле и британскиот модел Jake Davis, славниот манекен Baptiste Giabiconi, американскиот модел Brad Kroenig и неговиот син Hudson (11).