Поп-ѕвездата Дуа Липа го најави новиот сингл „Hallucinate“ од нејзиниот успешен втор студиски албум „Future Nostalgia“. Веста ја сподели Липа на своите социјални мрежи, објавувајќи ја насловната страница на синглот. Таа цитираше стихови од песната и напиша дека музичкото видео, заедно со аудио материјалот, ќе биде достапно на 10 јули годинава. Ова ќе биде петти и веројатно последен сингл од албумот.