Во текот на летните месеци, вообичаена е летната депресија, која се манифестира преку редовни депресивни епизоди.
Иако повеќето луѓе уживаат во добро време, луѓето кои страдаат од ова нарушување на расположението имаат типични депресивни чувства, недостаток на волја, слаба самодоверба, нарушувања на апетитот, проблеми со несоница и во потешки случаи, самоубиствени мисли.
„Точната причина за ова нарушување на расположението не е позната, но се верува дека промените во секрецијата на одредени невротрансмитери, серотонин и мелатонин поради премногу сончева светлина може да бидат еден од факторите“, објаснува д-р Арпит Агарвал, психијатар на Универзитетот во Мисури.
Промените во изложеноста на дневна светлина и сончева светлина може да предизвикаат абнормалности во нивото на мелатонин и серотонин, кои влијаат на нашето расположение и менталното здравје. На пример, ниското ниво на серотонин е поврзано со депресија, а тоа е научно докажано.
Подолгите денови во текот на летото, и фактот дека кога сме на одмор, генерално немаме вообичаена дневна рутина, може да придонесе и за појава на летна депресија.