Иако за нивната наводно лоша финансиска состојба се пишува со месеци,односно откако тие решија да си дадат оставка од кралските должности и да продолжат да живеат со нивниот едногодишен син Арчи во Америка, се чини дека војвотката и војводата од Сасекс не се толку лоши со финансиите. Имено, според списанието ОК, парот решил да се одмори од своите дневни обврски и следните неколку недели да ги помине на луксузен одмор со нивното дете.
“Со нетрпение го очекуваат излетот под палмите и долгите прошетки на плажа. Тоа ќе биде рајски одмо.“ рече неименуван извор за споменатите медиуми и додаде дека со оглед на сè што им се случи во последните неколку месеци, 38-годишната Меган Маркл и три години помладиот принц Хари нема штедат на одморот. „На нив очајно им треба бегство од секојдневниот живот и сите кои ги опкружуваат“, заклучи изворот.
