Славниот фудбалер не сака повеќе да и помага на својата сопруга која западна во милионски долгови, а инвестира во e-sport
Поранешниот британски професионален фудбалер Дејвид Бекам (45) вложува пари во нов бизнис, додека неговата сопруга, модната дизајнерка Викторија Бекам (46) очигледно не е толку способна во водење на својот сопствен бизнис
Имено, пензионираниот фудбалер стана сопственик на лондонскиот StartAp под името “Guild Esports”. Оваа компанија откри дека планира да оформи академија на играчи во разни e-sports арени меѓу кои се и “FIFA” и “Fortnite”.
Зборувајќи за новиот бизнис, Дејвид изјави:
- Имаме визија и сакаме да поставиме нови стандарди, поддржувајќи ги новите играчи во иднина. Низ кариерата имав доволно среќа да играм со фудбалери кои беа на врвот од нивната кариера и од прва рака ја видов страста и посветеноста која е потребна за врвни резултати. Посветени сме на негување и поттикнување на новите млади и талентирани играчи преку нашиот академски систем и се радувам што ќе му помогнам на нашиот тим “Guild Esports” да се развие.
Дејвид исто така е сопственик на американскиот тим “Inter Miami”.
Додека тој паметно ги вложува парите, неговата сопруга не се снаоѓа во деловниот свет. Иамено, поранешниот член на женскиот музички бенд “Spice Girls” има милионски долгови, бидејќи не знае да го води своето модно царство, кое со години наназад пропаѓа.
Поради тоа таа отпуштила 30 вработени, а наводно позајмила и неколку милиони фунти за да покрие дел од долговите. Нејзиниот сопруг Дејвид одбива повторно да вложува пари во нејзиниот бизнис.
- По толку натрупани долгови Викторија мора да превземе радикални мерки – изјави близок пријател на парот.
Да се потсетиме, вредноста на имотот на славниот пар изнесува 450 милиони долари.