Северина Којиќ и понатаму води судска битка против некогашниот партнер Милан Поповиќ околу старателството над осумгодишниот син Александар, а еден важен маж кој беше дел од нејзиниот живот од неодамна повторно се врати.
Станува збор за Томислав Петровиќ, менаџерот со кој соработуваше 17 години. Враќањето на Петровиќ, кој ќе се фокусира на нејзината кариера во овој турбулентен пост-корона период е доста логичен потег, со тоа што бројот на луѓе на концертите и понатаму е ограничен, а многу клубови воопшто нема да се отворат оваа сезона.
Изворот тврди дека неговото повторно доаѓање во тимот на Северина нема никаква врска со лошиот бизнис и наводните долгови поради тужбите на Поповиќ. Пејачката освен на музичката кариера, во овој момент е потполно фокусирана на времето кое го поминува со синот, но и на бројните постапки кои против неа ги води нејзиниот поранешен партнер Милан Поповиќ, бидејќи не сака ништо да препушти на случајот.
