Повторно е слободен…
Иако веќе не е во затвор и има успешна манекенска кариера, 36-годишниот Џереми Меекс го привлече вниманието на светската јавност кога во 2014 година заврши зад решетки за нелегално поседување оружје, по што медиумите го нарекоа „најсекси затвореник во светот“. “Daily Mail” сега пренесува дека е потврдено она за што се зборуваше долго време, Џереми ја прекина врската со богатата 29-годишна наследничка Клои Грин, која веќе ужива во друштво на нов дечко.
Клои била забележана како плови по францускиот брег и страсно се бакнува со непознат маж на луксузна јахта, која е во сопственост на нејзиниот 68-годишен татко Сер Филип Грин.
Да се потсетиме, Џереми последен пат проговори за нивната врска пред девет месеци кога тврдеше дека тие се уште заедно, и покрај тоа што таа била „фатена“ со капитенот на тимот на Монте Карло, 42-годишниот италијанец Роми Џани.
„Тие раскинаа пред два месеци, но сè уште зборуваат“, изјави близок извор на парот во тоа време, кој исто така откри колку е изненаден Џереми кога ги видел фотографиите од неговата љубена и Роми.