Навикнавме да користиме крема за сончање и лосиони на летни одмори или при посета на базен, кои ја штитат нашата кожа од негативно УВ зрачење. Но, што е со нашата коса? Иако првично не ја гледаме штетата врз неа, кога во повеќето случаи станува очигледна, премногу е доцна, а единствената работа што ни останува е да ја скратиме косата за да ги отстраниме штетите.
Сонцето ја суши косата и многу придонесува за тоа да дејствува безживотно, ако не е соодветно заштитено. Соодветни производи за заштита на коса кои лесно можете да ги направите сами, се токму она што ви треба. Едноставната и многу ефикасна формула е спрејот за заштита на коса има и дополнителни функции. Неговата мисија е да ја храни вашата коса од корен до врвот, како и да ги стимулира фоликулите на косата благодарение на додавањето на есенцијални масла. Фантастичен мирис ќе направи вашата коса навистина да биде вистинска сензација на плажа, или на кое било друго место да се појави во текот на летото. Со редовна употреба, вашата коса ќе ја добие потребната заштита, сила и хидратација.
Состојки:
1 чаша дестилирана вода
2-3 лажици крема за сончање SPF 25
3-4 капки масло од рузмарин
Подготовка:
Истурете дестилирана вода во сад, а потоа додадете крема за сончање и на крај капка масло од рузмарин. Добро промешајте и истурете во шише со спреј. Добро протресете пред секоја употреба. Нанесете рамномерно на косата по целата должина, пред да влезете во морето или базенот. Бидете сигурни дека добро прскате на скалпот и на краевите на косата