Сладолед е деликатес без кој многумина не можат да го замислат летото, но само треба да внимавате да не ја направите оваа грешка и да не му наштетите на вашето здравје.
Многумина ја вадат количината на сладолед што сакаат да ја јадат во сад, а потоа остатокот го оставаат во кујната “во случај да сакаат повеќе”. Сепак, некои дури и забораваат да го вратат сладолед во замрзнувачот, така што по некое време ќе се стопи. Она што не треба да го сторите тогаш, а многумина го прават, е да го вратимте во замрзнувачот!
Сигурно веќе знаете дека има храна што не треба да се замрзнува повторно, а сладоледот е една од нив, еве и зошто.
- Го губи вкусот
Она што го прави сладоледот толку посебен е воздухот, поради што ја има таа лесна, кремаста текстура. Кога ќе се стопи, тој воздух е изгубен, и кога ќе се замрзне повторно, нема да има повеќе вкус.
- Ќе има повеќе мраз
Кога првпат сладоледот ќе се замрзне, кристалите создадени од мраз се мали и сосема незабележливи. Ако замрзнете сладолед откако ќе се стопи, ќе се формираат многу поголеми кристали, поради што вашиот омилен десерт нема да ја има таа прекрасна текстура.
- Потенцијално опасен
Исто како и секој друг млечен производ, ако го оставите на собна температура (или повисока температура од собната температура) подолго време, постои ризик од развој на бактерии во него.
Бидејќи сладоледот првично е замрзнат, бактеријата не може да се развие веднаш, но само ако сладоледот подолго стои одмрзнат. Затоа, ако случајно сте заборавиле да го вратите во замрзнувачот и го оставите неколку часа на собна температура, постои ризик дека бактериите се развиле и најдобро е да не го јадете.