Повеќето немаат скоро никаква хранлива вредност, само „празни калории“
Познато е дека луѓето кои консумираат премногу алкохол се склони кон дебелеење скоро исто колку и оние што јадат премногу.
Тоа е затоа што еден грам алкохол содржи 7 калории, што е исто како и 1 грам маснотии.Човечкото тело не го метаболизира алкохолот ефикасно од едноставна причина што алкохолот е токсин, а човечкото тело е дизајнирано да се справи со токсините внесени во организмот.
Сепак, алкохолот содржи „празни калории“ и честопати се нарекува анти-нутритент. Терминот празни калории се однесува на храна која освен калории не обезбедува скоро никаква хранлива вредност, пишува Healthclub.rs.
Алкохолот честопати се нарекува анти-нутритент, не само затоа што „празните калории“ од алкохолот заземаат место на калории од висококвалитетна храна, туку алкохолот исто така директно се меша во апсорпцијата, складирањето и користењето на хранливи материи во организмот, дури и кога тие се присутни во соодветни количини.
Дури и кога се знае дека алкохолот полека се излачува од телото и дека на организмот често му требаат до 24 часа да го исфрли целиот алкохол, тогаш може да се заклучи каква штета му нанесува на алкохолот на вашето тело.
Ова е главната причина зошто алкохолот е строго забранет на секој што мора да изгуби вишок килограми заради здравјето или некои други причини.
Еве колку калории имаат различни алкохолни пијалоци:
Значи, 355 мл обично пиво има 153 калории. Потоа, 100 мл ракија (од 25% алкохол) има 175 калории, а 100 мл ракија (од 33% алкохол) има 195 калории. Џин, рум, виски и вотка имаат ист број калории – 97 на 40 мл. Крем-ликерите на 45 мл имаат околу 155 калории.
Во 145мл бело вино има 128 калории, а истата количина црвено вино има 125 калории. Најкалорично е сувото десертно бело вино, кое има дури 157 калории на 90 мл!
Од коктелите, најкалоричен е Пина колада со 526 калории на 200мл, а најмалку калоричен е коктелот Рум и Кока кола диет, кој има 100 калории на 235 мл.