Иако поминаа 22 години откако принцезата Дијана трагично замина, не престанува да се зборува за неа. Постојат бројни теории на заговор за нејзиниот живот, но и нејзината смрт, поради што таа е сè уште интересна за јавноста. Овој пат непознати детали за животот на Дијана ги откри експертот за кралското семејство Ингрид Стјуарт, кој зборуваше за денот кога принцезата Дајана и принцот Чарлс и официјално поднесоа барање за развод.
Во документарецот „Кралското семејство во војна“ Ингрид раскажа како реагираа принцезата Дијана и принцот Чарлс на денот кога поднеле барање за развод. „На денот на разводот, 28 август 1996 година, Дијана и Чарлс седнаа на каучот и двајцата само плачеа“, откри британскиот експерт за кралско семејство. „Иако разделбата беше придружена со комбинација на различни чувства, на крајот, кога бракот беше официјално завршен, нивната врска беше многу постабилна“, рече Ингрид.
Да потсетиме, Чарлс и Дијана се венчаа пред катедралата Свети Павле пред две илјади луѓе на 29 јули 1981 година. Во 1992 година, премиерот Џон Мајор објави дека парот ќе се раздели, но дека тие ќе продолжат да живеат заедно во палатата Кенсингтон до 1996 година, кога бракот официјално заврши со развод. Дијана загина на 31 март 1997 година во сообраќајна несреќа во Париз.