Опстипација или затвор е нарушување на нормалниот ритам на движења на дебелото црево. Ова значи дека цревата на одредена личност се празнат многу поретко отколку што е вообичаено за таа личност.
Долготрајниот затвор може да доведе до непријатност, надуеност, болки во стомакот и други здравствени проблеми. Колку подолго трае затворот, толку е попроблематично да се реши. Исто така, со задржување на столицата – во телото се таложат токсини и штетни материи, кои имаат многу негативно влијание врз здравјето.
Кои се најчестите причини за опстипација?
Покрај одредени здравствени проблеми и земање лекови кои можат да бидат причина за затвор, многу често затворот се јавува поради внесување премногу преработена храна и премалку течност. Отсуството на физичка активност, особено во староста, е исто така значаен фактор во развојот на затвор.
По 65-та година од животот, затворот може да се појави и како последица на дегенеративни промени кои влијаат на дебелото црево и ја забавуваат неговата работа. Дознајте подолу кои се најефикасните начини за справување со затворот.
Пет начини да се справите со опстипација:
- Зголемен внес на влакнеста храна
Промената во исхраната е една од основите за решавање на тврдата столица. Јадејќи што повеќе храна богата со растителни влакна, како овошје, зеленчук и житарки, му помагате на вашето црево правилно да функционира.
Производите богати со диетални влакна ја омекнуваат столицата, додека индустриските шеќери и белото брашно честопати можат да ја влошат ситуацијата. Суви сливи, сок од сливи и други сушени плодови често се препорачуваат за опстипација. - Зголемен внес на течности
Можеби веќе сте слушнале дека препорачаниот дневен внес на течности е околу 2 литри. Можеби звучи многу, но не треба сите течности да бидат чиста вода – може да внесете и еден дел преку исцедени сокови и чаеви. Топла пијалоци и чаеви како зелен чај имаат корисен ефект врз работата на цревата во човечкото тело.
Можете да создадете навика да пиете дополнителна чаша вода наутро веднаш по будењето и навечер пред спиење, а исто така можете да инсталирате една од популарните телефонски апликации што редовно ве потсетуваат да пиете доволно течности. - Зголемете ја физичката активност
Причината зошто тврдата столица често се среќава кај слабо подвижни и неподвижни пациенти е отсуството на физичка активност и движење. Физичката активност е исто така важен елемент во решавањето на затворот.
Препорачливо е да вежбате три пати неделно најмалку еден час, но ако тоа ви се чини недостижно, можете да започнете со прошетки од најмалку половина час на ден. Јогата и пилатесот можат да бидат посоодветни за постарите лица, а исто така доведуваат до забрзување на метаболизмот доколку редовно вежбаат. - Исправување на лошите навики
Одредени животни навики како потрошувачка на тутунски производи, нередовни оброци, голема изложеност на стрес и несоница исто така се поврзани со опстипација.Недоволно спиење, неможноста да се постигне континуиран сон или тотален ноќен сон од најмалку 7 часа влијае на намалувањето на цревната активност и со тоа го отежнува празнењето на цревата. Нередовните оброци се исто така важен фактор бидејќи повеќе мали оброци во текот на денот значително го забрзуваат движењето на дебелото црево во споредба со еден или два големи оброка на ден.
- Давање клизма
Клизма е медицинско-техничка постапка во која професионална медицинска сестра инјектира раствор на течност и активни состојки во дебелото црево на пациентот, со што се стимулира функцијата на цревата, се чисти и се празнува. Користениот раствор се одредува во согласност со здравствените проблеми и состојбата на пациентот, како и должината на опстипацијата.
Давањето клизма многу често го решава проблемот со затвор за многу кратко време и доведува до големо олеснување на пациентот. Многу е важно да не пробувате клизми самостојно, бидејќи може да се појават сериозни проблеми и повреди.