Плашејќи се од можeн карантин, принцот Вилијам и Кејт Мидлтон избегаа од Лондон со своите деца на локација од бајките

Додека британската влада разгледува мерки за нов националeн карантин, поради зголемениот број случаи на инфекција со коронавирус, членовите на кралското семејство навреме избегаа од Лондон. Принцот Вилијам, Кејт Мидлтон и нивните три деца ја напуштија кралската резиденција и заминаа на дестинација од бајките

Неколку европски земји веќе прогласија или полициски час или карантин. Британската влада ги разгледува истите мерки, што очигледно исплаши некои членови на кралското семејство. Така, принцот Вилијам и Кејт Мидлтон брзо ги спакуваа куферите, ги зедоа своите симпатични мали деца и се упатија кон југот на земјата.

Нивната дестинација беа Сцилиските острови, лоцирани на околу 45 км југозападно од Лендс Енд во југозападна Англија и вкупно 58 км од копното. Населени се само пет острови од архипелагот, и тоа многу ретко. Населението се занимава со риболов, земјоделство и одгледување цвеќиња.

Сите острови се украсени со богата и разновидна природа, што му дава огромно задоволство на кралскиот пар. Не е тајна дека Кејт и Вилијам сакаат да бегаат во ненаселени места каде што можат да уживаат во различни спортски активности и долги прошетки со своите малечки.

Неколку туристи кои се најдоа овде последните денови едвај забележаа дека идниот крал, неговата сопруга, ќерка Шарлот, синовите Џорџ и Луис, се наоѓаат на островот.

Војводите од Кембриџ, наводно изнајмиле локална куќа од камен во која живеат, што не се разликува од другите, изобилува со луксуз.

„Ни требаше долго време да сфатиме какви се војводите со децата. Тие се однесуваа многу незабележливо и како обично петчлено семејство. Тие не се издвојуваа од другите на кој било начин и се грижеа за своите работи. Тие се многу љубезни“, рече еден од мештаните кој додаде дека времето во октомври годинава е натпросечно топло.

„Никој не очекуваше толку високи температури. Сега е поубаво да се одмора тука отколку во Калифорнија “, рекоа мештаните.