Ако не се гледате себеси во фустани и кратки здолништа, а на фармерки не сакате ниту да помислите, новите летни модели на панталони од лесна ткаенина, се вистинскиот избор за вас.
Имаат класичен крој, материјалот е лесен и ѝ дозволуваат на кожата да дише, а со својот дизајн неверојатно потсетуваат на моделите коишто ги носеле Брижит Бардо, Катрин Денев и Одри Хепберн.
Совршено скроени панталони кои ја следат линијата на телото, а истовремено и доволно елегантни, па така може да се носат и на деловен состанок и на прошетка. Биле заштитен знак на Одри Хепберн, која вешто ги комбинирала со кошули, crop – top или блузи и секако – балетанки.
Акцентот оваа сезона дефинитвно се става на парчињата облека, слични на оние кои ги носевме за време на карантинот.
Доаѓаат во сите нијанси и најразлични примероци, но факт е дека ткаенините со необичен графички принт и ткаенините со линии, дефинитивно се едни од најефективните.
