Прекумерната количина на овие чувства може сериозно да го загрози вашето здравје.
Дали знаете дека телото и умот се неразделни?
Секоја емоција која ја чувствуваме влијае и на нашите внатрешни органи, чија работа може многу да се наруши ако имаме вишок на одредени негативни емоции.
Дознајте како лутината, тагата ,грижата, стресот и стравот влијаат на внатрешноста на нашиот организам и на кој начин му штетат на нашето здравје.
Лутината и црниот дроб
За лутината се вели дека е емоција на црниот дроб. Емоциите како лутина, бес и било какви слични чувства можат да бидат индикатор дека имаме вишок негативна енергија, а ако често се чувствуваме вака , може лошо да влијае и на нашиот црн дроб, кој на ваков начин се оштетува. Чести последици на ова се и честите главоболки и вртоглавици.
Тагата и белите дробови
Тагата некако може да премине во хроничен облик и така да ги оштети белите дробови и системот за варење, а во овие ситуации честа е и појавата на астма.
Грижата и стомакот
Претераната загриженост може да доведе до болки во стомакот. Некогаш грижата е поврзана со прејадувањето, а ако јадете храна која има многу масти и шеќери, вашиот стомак со многу мака ќе го свари тоа, а последица на тоа може да биде и зголемена киселина во организмот.
Стресот и срцето
Стресот може да остави трајни физички последици на телото, а посебно на срцето. Тоа е честа појава кај неочекувани стресни ситуации. Луѓето кои неочекувано ќе примат вест за смрт на блиска личност некогаш можат од стрес да добијат и срцев напад.
Стравот и бубрезите
Стравот е емоција која најчесто се поврзува со бубрезите. Ако често имате сериозни напади на паника, анксиозни сте и постојано сте под стрес, тоа може да биде предупредување за вашето тело дека имате проблем со недостаток на енергија во бубрезите и со нивниот дисбаланс.