Колку и да го сакаме Даниел Крег во улогата на тајниот агент 007, знаеме дека ќе дојде времето кога тој ќе биде заменет со друг актер.
Најновото продолжение на Џејм Бонд „No time to die“, по премиерата ќе добие нов главен актер, а за улогата ќе се борат многу познати актери меѓу кои и една жена. Победник може да биде само еден, а во изборот се нашле дури 22 актери.
Кого публиката сака да го види како новиот агент 007? Во игра се Хенри Кавил, кој еднаш се појавил на кастинг за истата улога, но бил многу млад, имал само 22 години, Ричард Маден, Џејмс Нортон, а можеби најнеобичен избор би била британската актерка Лашана Линч. Иако сценаристката Фиби Волер Бриџ претходно потврдила дека Лашана ќе се најде во улогата на новиот Бонд, останува да почекаме дали е само шпекулација или познатиот серијал за тајниот агент ќе ја добие својата прва хероина со цел разбивање на стереотипите.