Производите за самoпотемнување, особено во деновите кога сме помалку надвор, стануваат супер популарни, но пред нанесувањето, кожата треба да биде добро подготвена за овој третман, за да не настанат дамки.
Производите кои откриваат прекрасен, бронзен тен, стануваат се попопуларни кога летото се приближува, особено ако сме помалку на сонце. Имено, треба да знаете дека, без оглед на затемнетиот тен, кремот со заштитен фактор сепак треба да се носи ако сме излижени на сонце.
Но, пред сè, кожата треба да се подготви на вистински начин, советува Travel and Leisure.
Пред да се примени формулата за самопотемнување, кожата треба да се подготви и да се направи пилинг, најмалку два дена пред тоа. Покрај тоа, на кожата, тој ден и треба специфична хидратација, не само за ексфолијација, туку и за подобро „примање“ на бојата.
Се препорачуваат богати креми кои ја хранат и ја хидрираат кожата долго време.
Пред постапката на примена на кремот за самопотемнување, се препорачува да се истуширате, а потоа целосно да се исуши кожата. По нанесувањето, треба да носите нешто што може да се извалка, бидејќи трагата на кремот може да остане на облеката додека не се исуши.
Пенастите формули се многу практични затоа што можат полесно да се намачкаат. Во текот на нанесувањето треба да носите ракавици, за да по третманот дланиките не станат жолти.
Кремите за самопотемнување се или за тело или за лице, освен ако не е поинаку наведено на самата амбалажа. Некои креми исто така имаат водич за боја, односно можно е да се избере вистинската нијанса, тонот на бојата.
Откако кожата ќе потемне, треба да се храни со навлажнувачки креми, така што бојата ќе трае колку што е можно подолго. Имено, ако кожата се исуши, бојата ќе испука и горниот слој ќе почне да се перута.
Отстранувањето на бојата, исто така, треба да се направи со пилинг, така што нијансата повторно ќе се изедначи.