Војвотката и Војводата од Кембриџ, принцот Вилијам и Кејт Мидлтон во последно време се во центарот на вниманието. Иако секогаш привлекувале внимание, сега тоа е уште поинтензивно, со оглед на тоа дека Меган Маркл и принцот Хари го напуштија кралскиот дворец, но и заради фактот дека кралицата Елизабета целосно се повлече од јавноста заради пандемијата. Сега им се следи секој чекор, што го потврдува фактот дека се уште поинтересни за медиумите. Иако приватниот живот добро го кријат од очите на јавноста, еден детаљ сепак протекол. Познат е прекарот со кој принцот Вилијам ја нарекува Кејт.
Познато е дека за Војвотката од Кембриџ многумина сметаат дека ништо не работи, така што нејзиниот прекар е “Duchess of Dolittle”. Иако многумина ќе го поврзат прекарот со филмскиот јунак Дулитл, човекот кој може да разговара со животни, прекарот во буквален превод би значел “војвотка која работи малку”. Овој прекар веројатно настанал по критиките кои ги добила Кејт уште пред да влезе во кралското семејство.
Приказната постои уште пред да се венчаат Кејт и Вилијам. Имено, многумина верувале дека Кејт ќе се вработи пред да се омажи. Но, бидејќи заради венчавката со принцот Вилијам таа станала популарна и било тешко да изгради кариера. Иако работела во компанијата Jigsaw и помагала во компанијата на татко и, тоа за јавноста не било доволно, заради што често ја исмевале, зборувајќи дека не е вредна.
Потоа почнало да се шушка дека тоа не и се допаднало на бабата на Вилијам, кралицата Елизабета, која во една прилика изјавила дека Кејт не работи многу и затоа многумина го сметаат овој прекар шокантен. Затоа се поставува прашањето, дали со овој прекар Вилијам го потврдил мислењето на кралицата и открил што навистина мисли, или се работи за шегаџиски прекар кој само тие го разбираат?