Набрзо после венчавката и подршката од страна на британската јавност се случи Мегзит. Тоа беше тешка криза во кралското семејство, а првите проблеми излегоа на виделина после само 10 месеци кога Меган и Хари одлучија на живот надвор од кралското семество и традиција.
Само што се избориа за својата слобода започна пандемијата и мораа да се повлечат во самоизолација во Лос Анџелес, а времето го поминуваат во подготовки за отварање на нова хуманитарна организација која ќе го носи името на ницвниот син – Арчвел.
Поминаа две години од нивната гламурозна венчавка која кралското семејство ја чинеше 23 милиони фунти, на која Младите исто како пред нив Вилијам и Кејт решија дека не сакаат подароци туку гостите да донираат во одредени хуманитарни организации.
Меган до олтарот ја испратил принц Чарлс, а не нејзиниот татко, а нејзината мајка била присутна како потпора возејќи се со неа во автомобилот до црквата.
Гости биле кремот на британскиот и американскиот џет сет, како на пример Дејвид Бекам со сопругата Викторија, актерот Џорџ Клуни и сопругата Амал, а дел од гостите била и поранешната девојка на Хари Џелзи Дејви. Меѓу присутните исто така биле и ТВ водителката Опра Винфри, актерот Идриз Алба и тенисерката Серена Вилијамс за која се вели дека ги споила Меган и Хари.
Во јануари оваа година стигнало писмо од младиот пар кое внело немир во и онака тешките и затегнати односи на кралското семејство бидејќи во него се најавувало дека сакаат да живеат сами за што добиле и благослов од кралицата.
Пријателите на хари посомневале дека Меган е вистинската за него кога принцот веќе на третиот состанок ја однел на кампување во Боцвана да уживаат под ѕвездено небо. Една од главните причини поради кои Хари и Меган толку брзо се зближиле е поради семејните трагедии кои ги доживеале скоро на идентична возраст. Родителите на Меган Маркл, Дориа и Тхомас се развеле кога таа имала само 6 години, а Принцот Чарлс се раздели од принцезата Дијана која Хари имал 8 години. Тие обајцата поминале низ исти проблеми и откако ги искусиле семејните разделби решиле за своето семејство да се борат на секој можен начин.