Принцот Хари истакна дека го обожава својот нов живот во Лос Анџелес и откри дека сака да го научи неговиот син Арчи да игра американски фудбал веднаш штом има можност.
Британскиот принц се приклучи на виртуелниот состанок на волонтерската акција на Американската фудбалска лига од неговата вила од 14 милиони долари во Санта Барбара, каде што моментално живее со сопругата Меган Маркл и синот Арчи. Тој одговараше на многу прашања, но сите беа особено импресионирани од тоа како изгледа неговиот нов живот.
„Многу лесно прашање. Јас сакам сè. Фантастично е “, рече Хари. Тој додаде дека за него и Меган е приоритет е синот и нивната работа е втор приоритет затоа што сакаат да го направат светот подобро место за живеење. Во последните денови тие се вратија во волонтерски живот по карантин. Меган и Хари неодамна купија вила во популарно маало, а нивни соседи се славната водителка Опра Винфри, комичарката Елен Деџенерис, која се бранеше од обвиненијата за злоупотреба последните денови и актерот Роб Лоу и режисерот Џорџ Лукас. Познатиот пар нема да мора да се грижи за приватноста затоа што нивниот нов дом се наоѓа на пат заштитен од љубопитни погледи. Покрај тоа, тие ќе можат да уживаат во прекрасен поглед на океанот и планините, а при купувањето добро се справија и заштедија бидејќи претходниот сопственик плати 29 милиони долари за луксузната вила.