Првиот тенисер на светот, Новак Џоковиќ, посочи за хрватската „Глорија“ дека тој и Јелена не се опседнати со датуми, дека секој ден прогласуваат љубов едни на други, а потоа открил што го возбудува кај неговата сопруга дури и по 15 години љубов.
„Сè. Таа е најкомплетната личност што ја знам. Отворена и полна со поддршка. Растам со неа, исто како што се обидувам да ја натерам да расте со мене“, рече Ноле.
На прашањето што прво минува низ главата кога ги чита повремените шпекулации во медиумите за стабилноста во неговиот брачен живот, најдобриот тенисер во светот рече:
“Јас не ги читам или ги следам медиумите, претежно не. Затоа, не сум вознемирен. Разбирам дека е поинтересно луѓето да читаат Ноле и Јелена се разведуваат отколку што се во љубов Ноле и Јелена. Но, тоа не влијае на мене и на Јелена затоа што навистина ние се сакаме”.
Исто така, Новак беше запрашан дали е точно дека татковците се послаби од ќерките.
“Ах, не би сакал да генерализирам, но мислам дека е така. Тара е толку слатка, нежна, сега таа ме бара сè повеќе. Порано ја бараше мајка и. Сега кога ме гледа, ме гушка толку нежно што светот застанува”, објасни Џоковиќ и откри дали би сакал неговите наследници Стефан и Тара да ги следат по стапките.
„Би сакал тие да веруваат, да сонуваат, да работат напорно и да се остварат нивните соништа. Јас го живеам мојот сон. Го сакам тоа и за моите деца“, рече Новак Џоковиќ.