Реформ обланда: Најдобро домашно благо за сите видови прослави! (РЕЦЕПТ)
Мекото полнење и шушкавата обвивка од белките на обландата ќе ги воодушеват сите ваши сетила
За кора:
- 8 белки
- 200 гр шеќер
- 200 гр мелени ореви
- 2 обланди
Фил:
- 8 жолчки од јајце
- 150 гр шеќер
- 100 гр црно чоколадо
- 5 лажици силно сварено кафе
- 200 гр путер или маргарин.
Подготовка:
Вклучете ја рерната на 200 степени. Изматете ги белките со шеќер во цврст снег. Додадете мелени ореви и измешајте. Поделете ја смесата на половина, а потоа премачкајте го секој лист обланда. Печете помеѓу 10 и 12 минути додека не зарумени малку.
За филот изматете ги жолчките со шеќерот. Мешајте додека не стане пенлива смесата и добие посветла боја. Варете на пареа (од моментот кога водата ќе зоврие во долното тенџере, варете уште 10 минути), а потоа додадете скршено чоколадо и кафе. Промешајте да се растопи и да се соедини чоколадото, а потоа тргнете го од оган и почекајте да се излади, мешајќи повремено.
Изматете го путерот или маргаринот додека не се запени, а потоа додадете го изладениот фил и изматете сè заедно. Исечете ги обландите на средина за да добиете 4 листа. Распоредете три листови со филот, оставете малку фил, па ставете го четвртиот лист.
Ставете хартија за печење и мала тежина, така што листовите убаво ќе се спојат.
Кога обландата ќе се залепи, по неколку часа или преку ноќ, може да стои во фрижидер, да се премачка со остатокот од фил, кој може да остане и на собна температура, да посипете со ореви, да ја исечете обландата и да послужите.
Погледнете ја деталната подготовка на видеото!