Светската суперeрѕвезда од Барбадос, 31-годишната Ријана и милијардерот Хасан Џамел ја раскинаа тригодишната врска, изјави извор за „US Weekly“. Пејачката и бизнисменот врската ја започнаa во 2017. година, а од самиот почеток тие беа многу таинствени и ретко се појавуваа заедно во јавноста. Тие последен пат беа видени во август 2019. година на вечера во Беверли Хилс.
Причината за раскинувањето со Хасан сè уште не е позната. Овој саудиски бизнисмен веќе беше во брак со Лина Лазар, ликовен критичар и се забавуваше со Наоми Кембел.
Во 2018. година, Ријана за списанието Interview зборуваше за можниот брак и деца, додавајќи: „Влегов во нова врска и тоа е важно за мене. Одлучив дека мора да направам време за тоа. Како што ја негувам својата работа, така морам да ја негувам и оваа врска.“
Дали пренатрупаниот распоред е виновен за нивното раскинување сè уште не е официјално познато. Можеби ова раскинување ќе ја натера Ријана да го издаде долгоочекуваниот нов албум.