Убавата мексиканска актерка, запаметена по нејзините незаборавни улоги во филмовите „Од самрак до зора“, „Фрида“ или „Десперадо“, денес со стил го прослави својот 54-ри роденден.
Згодната Салма, за која годините навистина се само бројка, на Инстаграм објави фотографија на која покажа како може да се пофали со завидна линија.
Славната убавица покрај нејзината прекрасна празнична фотографија напиша: ‘Погодете кој го слави својот 54-ти роденден? Ова не е фотографија од минатото ‘.
Следуваа бројни комплименти на сметка на латино дивата која во претходното интервју ја откри својата витка фигура одржувана од јога и здрава исхрана.
Оваа природна убавица често објавува изданија на својот Инстаграм профил без трошка шминка на лицето.
Салма всушност најмногу ужива кога кожата и дише и кога нема тешка шминка.
‘Омилени денови ми се оние кога не треба да се шминкам и кога не морам да се гледам во огледало затоа што воопшто не ми е грижа како изгледам. Тогаш сте целосно присутни и не сте оптеретени со неважни работи ’.
Инаку, Салма со години е во брак со францускиот милијардер и шеф на Керинг, втора по големина луксузна компанија, која во своето портфолио има брендови како Гучи, Баленсијага, Ив Сен Лоран и многу други – Франсоа Анри-Пино со кого ја има ќерката Валентина.