Повеќе од 6.000 луѓе во Кина заболеле од бруцелоза, бактериска инфекција која има симптоми слични на грип.
Болеста избувна во северозападна Кина, обично се јавува преку контакт со животни, а најчесто се пренесува од овци, кози, мачки, свињи, а во некои земји и од кучиња, пренесува Ројтерс.
Ширењето на болеста започна во кинеската провинција Гансу, а многу пациенти завршија во болницата.
Луѓето обично ја добиваат оваа бактерија во контакт со животни или производи од животинско потекло, како што се непастеризирано млеко или сирење или со вдишување на аеросоли. Преносот на бактеријата од човек на човек е многу редок.