Седите во просторија со заразен од Ковид? Еве кои се шансите да се заразите: Пресметајте сами!

3 декември, 2020
55189906_303

Кои се шансите некој да добие коронавирус зависи од голем број варијабли. Од колку време таа личност била изложена на вирусот или колку време поминале со заразената личност, во какви услови, што правеле и слично. Лекарите посочуваат безброј пати дека е потребно да се одржува растојание од најмалку метар и половина, да се носи маска, често да се проветрува просторијата, да се мијат рацете, да се дезинфицираат површините што најчесто се допираат и слично.


На упатството за безбедност во COVID-19 Indoor Safety Guideliine треба да пополните формулар, односно да одговорите на низа прашања во врска со самата просторија, условите во неа, бројот на луѓе во неа, како и што прават луѓето.

За целите на оваа страница, научниците во равенката вклучија само едно лице заразено со коронавирус. Јасно е дека повеќе заразени ќе значат поголеми шанси за инфекција. Иако прашањата може да изгледаат невообичаени, бидејќи од корисниците бараат одговори како што се висината на таванот, видот на системот за климатизација и слично, се исплати да истраете и да одговорите на нив до крај.

На пример, ако две лица седат во просторија од 20 квадратни метри, разговараат без заштитни маски, со затворени прозорци и без посебен систем за вентилација, ситуацијата ќе стане несигурна по помалку од еден час. Во превод, еден час е доволен за да се зарази во такви услови.