Потта е нормално лачење на потните жлезди, потполно без мирис. Меѓутоа, ако топлината е голема, има зголемено потење и множење на одредени бактерии кои ѝ даваат на потта непријатен мирис.
Затоа, погрешно е да се користат дезодоранси кои спречуваат потење со затнување на отворите на жлездите на потта и со тоа се акумулираат штетни материи во организмот.
Постојат неколку општи препораки што треба да се следат во овие топли денови:
- Треба да се користат дезодоранси и сапуни кои содржат антибактериски есенцијални масла како што се лаванда или разни билни чаеви.
- Избегнувајте дезодоранси кои содржат алуминиум, бидејќи спречуваат потење со затворање на отворите на жлездите. Се мисли дека ваквите дезодоранси можат да предизвикаат рак на дојка (естрогенски ефект) или Алцхајмерова болест, особено ако се применуваат на свежо избричена кожа, што е вообичаена практика кај многу жени.
- Избегнувајте заштитни агенси кои содржат парабени, супстанца која има сличен ефект како хормонот естроген, која е одговорна за развој на малигни заболувања.
- Користете солен раствор кој во многу случаи може да ја игра улогата на дезодоранси, многу ефикасно. Солениот раствор има антибактериско дејство и треба да се примени неколку пати на ден за да се влажни кожата. Најдоброто решение е направено од вода земена од Мртвото море.
- Треба да пиете што е можно повеќе течност, затоа што на тој начин потта ќе се разреди, а познато е дека колку е поконцентрирана потта, толку е поинтензивен нејзиниот мирис.
- Мирисот на пот исто така зависи од видот на храната што ја користиме. Треба да јадете што е можно повеќе зелен зеленчук, кои содржат големи количини на хлорофил. Ваквата исхрана ќе спречи акумулација на токсини што се ослободуваат од бактерии, ќе ја прочисти нашата крв и ќе го балансира метаболизмот.
- Сода бикарбоната е одамна позната како природен апсорбер на различни мириси. Најдобро е да се меша иста количина сода бикарбона, пченкарен скроб и кокосово масло, да се загрева на умерена температура и потоа да се остави да се излади. Ако земете сода бикарбона и додадете неколку капки масло од пеперминт, ќе имате одлична алатка за потиснување на непријатните мириси од чевлите.