Најмалку 30 лица се уапсени за наводна вмешаност во нелегално сечење на дрва, кога бразилската полиција рано утрово извршила рација на десетина пилани во Амазон.
Меѓу криминалната група, вклучена во нелегално сечење на дрва, се наоѓале дрвосечачи, производители на мебел, возачи и јавни службеници кои земале мито, се вели во соопштението на полицијата, пренесува Ројтерс.
Пиланите каде се случила рацијата се наоѓаат недалеку од главниот град на провинцијата Амазон, Манаус. Вооружената полиција, наводно, заплени пили, камиони и повеќе од илјада кубни метри дрво. За 10 месеци, криминалната група незаконски отсекла повеќе од 9.000 дрвја постари од 100 години.Уништувањето на шумите беше најголемо минатата година од последните 11 години, а од почетокот на годинава, од јануари до април, беше повисоко за 55% во однос на истиот период лани. Се додава дека околу 99 проценти од уништувањето на шумите во Бразил минатата година било нелегално.