Добро е познат фактот дека премногу сол му штети на срцето и на крвните садови, но исто така се чини дека има лош ефект врз мозокот.
Постарите луѓе кои консумираат многу сол во нивната диета, а во исто време не вежбаат доволно, се влошуваат ментално побрзо, покажала новата студија.
Тим истражувачи од Канада ја следеле потрошувачката на сол и физичката активност на 1,262 здрави мажи и жени на возраст од 67 до 84 години за три години, пишува „Дејли Меил“.
„Нашите резултати покажаа дека диетата богата со сол, во комбинација со недоволна физичка активност, доведува до послаба когнитивна способност кај постарите луѓе“, рече д-р Александра Флоко од Универзитетот во Торонто.
Експертите препорачуваат, ако сакате да зачувате здрав мозок, консумирајте свежо овошје и зеленчук наместо солена и преработена храна.