Уште откако го украдоа целото внимание со исклучително блискиот однос на доделувањето на наградите „Златен глобус“, поранешните сопружници, 56-годишниот Бред Пит и 51-годишната Џенифер Анистон, не престанаа да ја интригираат јавноста со својот однос. Но неодамна, како изненадување се појавија папарацо фотографии, на кои што Џенифер беше фатена на вечера со своето поранешно момче, 42-годишниот текстописец Џон Мајер, а таблоидите низ целиот свет во тоа време објавија дека Бред му се заканил да остане подалеку од неговата драга. Но, приказната сега доби ново продолжение затоа што, ако му веруваме на таблоидот National Enquierer, Џенифер на крајот го избра Џон, а Бред „извиси“.
Имено, неименуван извор за споменатите медиуми откри дека Џенифер била многу погодена од фактот дека Бред неколку пати бил фатен во друштво на 30-годишната актерка Алиа Шакат, а на фотографиите изгледале многу блиски. Иако, како што тврди изворот, „капката што ја прелеала чашата“ е битката за старателство што Бред ја има со Анџелина, но и нивните конфликти кои имаат негативен ефект врз Бред и со тоа и врз неговата врска со Џенифер. Истите медиуми пренесуваат дека во овој стресен период Џон бил ’рамо за плачење’, така што неодамна, непосредно пред да се воведе карантинот во САД, таа беше фатена на уште заедничка вечера. „Дека Џон е љубовта на нејзиниот живот е„ јавна тајна“ меѓу нејзините пријатели. Џен беше скршена кога тој ја напушти “, заклучи изворот.
