Заедно до саканата фигура!
Дали вие и вашиот партнер имате вишок тежина што ве мачи? Дали направивте нешто за тоа? Ако не, сега е време да започнете заедно со тренинг за да го добиете изгледот што го сакате и да се збогувате со килограмите што долго време ве мачат.
Понекогаш тимската работа е нешто најубаво во кое може да се вклучите, особено ако вашиот партнер е вклучен исто така. Наместо постојано да се критикувате едни со други за храна и изглед, време е да направите нешто за себе. Пронајдовме ефективни вежби за парови од каналот YT fitnessblender.com.
Зошто е добро да вежбате со партнерот?
Ќе ги прославувате своите успеси заедно и ќе бидете таму еден за друг во време кога немате баш волја за вежбање. Речиси сите парови кои вежбаат заедно, имаа најстабилни односи. Заедничките цели и дневните рутини се нешто што ќе го зајакне вашето тело, како и вашата врска.
Експертите ја забележаа врската помеѓу заедничката вежба и стабилното партнерство. Научниците се посветиле на овој феномен и придонеле во теоријата со внимателно осмислено истражување.
Еве ги причините зошто да вежбате во пар:
Двојките кои вежбаат заедно се посреќни
Заеднички тренинг ќе создаде чувство на поврзаност. Двојките се позадоволни од врската и чувствуваат повеќе љубов од паровите кои не вежбаат заедно.
Приоритети
Кога многу време ви одзема вашата работа и вашите дневни обврски, подобрувањето на односот со партнерот не е приоритет. Времето што ќе го поминете заедно тренирајќи, сигурно ќе биде со висок квалитет и многу корисно. И двајцата ќе направите нешто правилно за себе, а тоа ќе го направите заедно.
Мотивација
Сигурно дека нема да пропуштите тренинг ако вашиот партнер е упорен. Подготвувањето на целите заедно и мотивирањето едни на други ќе ви го отежне откажувањето.
Зголемено ниво на ендорфин
Вежбањето испушта ендорфин, хормон што создава чувство на среќа и еуфорија. Дали има подобро време да бидете со партнерот отколку кога сте среќни?
Позитивно влијание врз сексуалниот живот
„Кога се чувствувате подобро во вашето тело, се чувствувате попривлечни, а самодовербата е многу добра за подобрување на расположението за секс. Исто така, адреналинот и другите хормони за добро расположение кои се излачуваат за време на вежбање ја зголемуваат сексуалната желба “, вели Џоси Вогелс, канадски експерт за врски и секс.
Корисно искуство
„Ќе научите многу за себе и за партнерот“, објаснува Ејми Баглан и додава: „Во вашето заедничко патување со фитнес, ќе ја подобрите комуникацијата и ќе бидете поддржувачи еден на друг, а тоа во голема мера ќе ја подобри вашата врска“. Вежбањето во пар ќе има позитивен ефект и врз вашата врска и врз вашето фитнес ниво. Ако сте задоволни со себе, ќе бидете среќни со другите.