Иако овој рецепт за торта е познат подолго време, тој неодамна стана популарен на социјалните мрежи.
Печењето торти и десерти беше популарна активност за време на карантинот, но како што децата се враќаат на училиште, повеќето родители немаат време за долго печење и подготовка на десерти. Но, ако сепак сакате одличен, но и брз десерт, оваа „волшебна торта“ е совршена за вас, пренесува metro.co.uk.
Го доби своето име „волшебна“ затоа што добивате три различни слоја од една мешавина, во различни бои. Иако овој рецепт за торта е познат подолго време, тој неодамна стана популарен на социјалните мрежи.
Состојки:
4 јајца
150гр шеќер во прав
1 ванилин шеќер
125гр маргарин
115гр брашно
500мл млеко
Подготовка:
Загрејте ја рерната на 160 степени и лесно подмачкајте ја тавата во која ќе ја печете тортата.
Одделете ги јајцата во две чинии. Додадете шеќер во жолчките и мешајте додека не се соединат. Додадете ванилин шеќер и путер и повторно измешајте сè заедно.
Потоа додадете го брашното и мешајте додека не се соединат. Нежно додајте го млекото и мешајте додека смесата не стане течна.
Изматете ги белките и полека додадете ги во смесата. Истурете сè во тавата и ставете го во рерна.
Колачот се пече 40 до 60 минути, во зависност од јачината на рерната. Кога колачот ќе се испече, превртете го на чинија и оставете го целосно да се излади пред да го исечете.