Иако таа таа има издефинирани стомачни, актерката Хали Бери никогаш не ја прави најпопуларната вежба за тој дел од телото. Како што вели, таа самата долго живеела во заблуда и мислела дека за да има плочки мора да прави стомачни.
„Моите вежби не вклучуваат правење на стомачни.. Единствените исклучоци се подготовките за улоги во филмовите кога е потребен специфичен изглед“, откри таа за Women’s Health. Пред пет години, таа започна да работи со тренерот Питер Ли Томас, кој ја научи многу.
“Правам вежби кои го опфаќаат целото тело, а имам повеќе енергија од било кога. Секое вежбање е различно, времето ми е драгоцено и сакам да го потрошам најдобро што можам. Единствената абдоминална вежба која понекогаш ја правам е пленк”, додаде таа. Тогаш Бери откри кои вежби го сочинуваат еден нејзин типичен тренинг:
„Тоа се 40 расчекори со тегови, 20 чучњеви со тегови и варијации на наведените вежби со различни реквизити и број на повторувања“.