Тешко е да го скршите ментално силниот човек бидејќи тој има одбранбена сила која ја формирал во текот на животот и не реагира на проблемите. Иако можеби оставаат впечаток на ладни луѓе, тоа не е така бидејќи меѓу нив се кријат и емотивни луѓе полни со љубов и разбирање.
Психолозите објаснуваат дека главната улога ја игра карактерот. Доколку некој е осетлив и ранлив, за тоа постои некоја причина.
Несигурните личности се раѓаат или со презаштитеност или со несигурност. Дали е некоја личност ментално силна или не, може да се види од раното детство, од односот со родителите или од начинот на живеење и како околината и влијаела на таа личност.
Ова се златните правила на ментално силните личности
Ја знаат својата цел
Ментално силните луѓе нема да го трошат времето и енергијата на токсични луѓе, тие не се обвинуваат ниту себеси, ниту другите, но за своите постапки преземаат одговорност. Не трчаат по среќа бидејќи се научени да бидат среќни со тоа што се и ја избегнуваат улогата на жртва. Не се плашат да направат грешка и подготвени се на ризик. Ги знаат своите цели и одат кон нив со сигурни чекори.
Не се обвинуваат себеси
Зрелите личности не се обвинуваат ниту себеси, ниту другите, а подготвени се да преземат одговорност кога треба. Вината ја бараат во послабите кои не можат да признаат пораз дека нешто изгубиле, дека некаде згрешиле или дека не може да биде секогаш по нивна желба.
Не трчаат по среќа
Додека ги гледаме задоволните луѓе, тие делуваат исполнето, спокојно, среќно. Делуваат како луѓе кои никаде не брзаат. Тоа е така зашто не трчаат по среќа, туку се задоволни во моментот во кој се наоѓаат.
Среќата е во сегашниот миг и се крие во сè околу вас.
Не глумат жртви
Силните луѓе не дозволуваат да бидат жртви на никаков начин, затоа не се ни обидуваат да глумат несреќни или искористени. Тие се секогаш подготвени за борба, но само доколку таа борба е реална. Ако познавате личност која постојано глуми жртва тоа значи дека таа личност е слаба и потребно и е внимание, ментално силните луѓе немаат време да се служат со такви трикови, ним не им е потребно сожалување. Ментално силните луѓе се секогаш подготвени за акција и не седат и чекаат проблемите да се решат сами од себе.
Не се трудат да ги импресионираат другите
На силните луѓе не им е важно што другите мислат за нив. Но, иако тоа не им е првичната намера, сепак тие ги импресионираат другите луѓе.
Често делуваат како да се натпреваруваат, но не го прават тоа. Едноставно, тие се такви- силни и свесни за себе и за своите цели. Не им треба потврда дека се добри во нешто, бидејќи се сигурни во себе.
Не трошат енергија на токсични луѓе
Токсичните луѓе се погубни за околината. Тие свесно или несвесно шират негативна енергија и ставови зашто имаат потреба да го поделат незадоволството со некого. Токсичните луѓе се незадоволни од себе, од својот живот, додека психички силните луѓе сосема ги избегнуваат или не реагираат на нив.
Не бегаат од предизвици, подготвени се да излезат од удобната зона
Кој ризикува, тој добива, некогаш ова е полн погодок, а некогаш не е. Ментално силните луѓе нема да седат во место по секоја цена ако се од нешто незадоволни, подготвени се да излезат од удобната зона и да го прифатат предизвикот.