Време е сите сериозно да си го сфатиме имунитетот, бидејќи од тоа зависи колку е силен нашиот одбранбен механизам и дали оваа сезона ќе успееме да се заштитиме од разни вирусни инфекции.
За зајакнување на имунитетот потребно е да се јаде разновидна храна, не се откажувајте од омилената храна, туку консумирајте ја умерено, што значи дека два или три пати неделно можете да се почастите со малку повеќе калорична и брза храна.
Треба да јадете што повеќе овошје и зеленчук и редовно да се хидрирате, а тоа значи минимум пет до осум чаши вода, а можете да пиете и чаеви што ги сакате.
Дополнително на ова, важно е да се движите, што не значи дека треба да одите во теретана, туку да одвоите барем половина час дневно за малку побрза прошетка. Наутро, кога ќе станете, немојте веднаш да го земете телефонот, почекајте барем една минута и за тоа време добро истегнете се. Ова ќе му одговара на вашето тело.
Кафето можете да го замените за чај, ако можете да се откажете од него, барем на неколку дена, ако не, намалете ја потрошувачката на една до две шолји дневно.
Започнете го денот со чаша вода на собна температура, на овој начин ќе ги разбудите органите, ќе го хидрирате телото и ќе се освежите. По ова или после појадокот, можете да земете и лимонада или свежо цеден овошен сок.
Најлоши опции за појадок се купувањето житарки со еден тон суво овошје и адитиви кои се индустриски преработени. Тука спаѓаат бројни сокови со додаток на шеќер, паштета, крем намази намачкани на бел леб или, на пример, некои полупечени топли печива од пекарата.
Ако веќе сакате каша од житарки за појадок, изберете само овесна каша, без никакви додатоци, најмека и најлесна за подготовка. Доколку постите, можете наместо јогурт да ги прелиете со топла вода, да ги оставите да набабрат и да додадете малку свежо овошје или мед.
Овој појадок е прифатлив и сигурно ќе ве држи сити два до три часа, но не подолго од тоа. За навистина да бидете сити, повремено можете да вклучите и протеини и масти во овој прв оброк
Мислиме на домашно сушено месо или сланина, зошто да не, а ако сакате пржено, можете да го подготвите во микробранова печка без додавање масло и пржење. Вака подготвен со едно или две варени јајца и парче интегрален леб, сигурно ќе биде оброк кој ќе ве засити.
Ако се придржувате до овој режим, сметајте на тоа дека ќе делува многу добро на вашиот имунитет.