Лековитите својства на јаткастите плодови се познати од античко време. И тоа не е корисен само плодот, туку и лисјата, гранките, корените… Плодот од орев содржи рекордна количина на широк спектар на биолошки активни, корисни материи за човечкото тело.
Корисна тинктура
Лушпите од орев имаат уникатен хемиски состав. Содржината на јод, натриум, калиум и магнезиум, витамини Б, Ц, Е, А, па дури и Д и ПП, танини, амино киселини, антиоксиданси кои го спречуваат предвременото стареење и други придобивки, помагаат во решавање на многу здравствени проблеми. На пример, при нарушувања на тироидната жлезда, како и на ендокриниот систем воопшто. Од голема помош е и при проблеми со желудникот и цревата, а го обновува и имунолошкиот систем. Тинктурата е корисна и кај дијабетес, а го намалува крвниот притисок и холестеролот.
Како се подготвува?
За подготовка на оваа тинктура потребни се лушпи од орев и вотка или ракија чија јачина не треба да биде помала од 40 степени. За подготовка користете килограм лушпи од ореви. Најпрво прелијте ги со врела вода и оставете ги да отстојат околу пет минути. Исцедете ја водата и ставете ги лушпите во стаклена тегла или шише. Истурете литар алкохол и цврсто затворете го капакот. Да се чува на ладно и темно место 3-4 дена. Потоа извадете, протресете и оставете да отстои уште 3-4 дена.
Готовата смеса чувајте ја во темен стаклен сад за директната сончева светлина да не ги уништи корисните материи и да не го намали нејзиното лековито дејство. Да се чува на темно и ладно место или во фрижидер, така оваа тинктура не ги губи своите својства три или повеќе години.
Се пие со капење 5-7 капки во чаша вода, три пати на ден пред јадење. Доколку се користи како облог, потребно е да се намокри газа или крпа и да се нанесе на болното место, а да се фиксира со завој. Користете го облогот не повеќе од еднаш во текот на денот, по можност во текот на ноќта.