Секоја година магазинот People традиционално ја доделува ласкавата награда „Најсекси жив маж“ на познати личности, а оваа година изборот е таков што актерот кој ја доби оваа титула е изненаден – како и неговата сопруга.
Ако ги прашате уредниците на магазинот за познати личности, најсекси маж на светот е – Пол Рад (52)!
Актерот кој е ѕвезда на филмот Ant-Man, а на пошироката јавност и е најпознат по улогите во бројни холивудски комедии, призна дека е свесен дека многумина ќе се шокираат кога ќе ја слушнат оваа вест.
– Свесен сум дека кога луѓето ќе слушнат дека сум избран за ова, ќе речат: „Што? а тоа не е лажна скромност. Има многу момци кои треба да го добијат овој епитет пред мене – истакнува Пол.
Неговата сопруга Џули исто така била шокирана кога дознала дека е мажена за најсексапилниот маж.
– Но, знаете, таа беше многу слатка во тој момент. По малото кикотење и почетниот шок, рече: „Ох, добро е што и тие сфатија“. И тоа беше толку слатко. Веројатно не мислеше искрено, но што друго да каже – се пошегува Рад.
Тој призна дека очекува многу шеги на своја сметка од пријателите, бидејќи веројатно и тој би се пошегувал со нив доколку ја добијат оваа титула.
– Така и треба, мислам, и јас би го направил тоа. Сепак, ја прифаќам оваа титула! Нема да се трудам да бидам приземен, веќе правам визит карти, но другарите ќе ме уништат. Тоа го очекувам од нив, затоа ми се пријатели – истакнува Пол.
Актерот на тој начин се приклучи на листата на суперпознати и атрактивни мажи кои ја освоија оваа награда во претходните години, а на неа се Бред Пит, Мајкл Б. Џордан, Том Круз, Шон Конери, Мел Гибсон, Џорџ Клуни, Идрис Елба, Џон Леџенд…
Пол најголемо внимание привлече во улогата на „Ant-Man“ во истоимениот филм од 2015 година, но на љубителите на холивудските комедии им е добро познат веќе долго време, пред се поради неговите улоги во „Knocked Up“, „The 40 Year Old Virgin“, „This is 40“, итн. А љубителите на серијата Пријатели го паметат како Мајк, момчето на Фиби.