Холивудскиот актер Бен Афлек, кој е во врска со латино дивата Џенифер Лопез, се најде на столбот на срамот поради скандалозното интервју кое го даде во емисијата со познатиот радио водител Хауард Стерн.
Афлек се бранеше дека неговите зборови се искривени и дека испаднало дека ја критикувал поранешната сопруга Џенифер Гранер.
Оваа изјава го налути светот и неговите фанови, па Бен беше принуден да објасни што всушност сакал да каже. Го нарекоа „бесчувствителен, ужасен и глупав“ тип.
– После тоа зборував за тоа колку се почитуваме, колку се грижиме еден за друг и за нашите деца. Се пишуваше дека ја обвинувам поранешната сопруга за мојот алкохолизам, дека сум заробен во тој брак. Излезе дека јас сум најлошиот, бесчувствителен, глупав и ужасен тип. Ме повреди тоа – рекол актерот.
Афлек му рекол на водителот Џими Кимел дека не е подготвен поединци да реагираат негативно на содржината на неговиот разговор со познатиот радио водител Хауард Стерн.
– Многу зборувавме за моето семејство, алкохолизмот, вистинските проблеми, како да бидам одговорен и полн со љубов, како соработувам со поранешната сопруга, колку сум горд на тоа како заедно ги воспитуваме децата, како даваме се од себе. Бев воодушевен и мислев дека треба да бидам поискрен и самокритичен. И тогаш ги видов сите тие работи на Твитер и се запрашав: Што е ова? – изјави актерот.
Според извори блиски до актерот, неговата поранешна сопруга Џенифер Гарнер не ги примила најдобро овие коментари и тврдат дека се чувствува како актерот да и „удрил шамар“.