Постојат неколку трикови кои ќе ви помогнат што побрзо да се ослободите од мамурлакот.
Сигурно ви се случило да испиете неколку чаши повеќе на новогодишната ноќ, па следниот ден да си ветите дека никогаш повеќе нема да мириснете алкохол.
Мамурлакот може да биде ужасен, но има неколку трикови кои ќе ви помогнат да го „преживеете“.
Додека се пие
Не пијте на празен стомак
Правило кое веројатно на сите им е познато. Млечните производи, како што се млекото и јогуртот, се одлична обвивка за желудникот, па ако знаете дека нема да јадете навечер, задолжително јадете житарки со млеко, овошен јогурт, сирење или други млечни производи тој ден. Од друга страна, избегнувајте солени грицки како кикиритки и чипс во текот на вечерта бидејќи тогаш ќе ожедите уште повеќе, што ќе предизвика да пиете повеќе алкохол.
Ограничете ги газираните алкохолни пијалоци
Овој вид на алкохол удира во главата. Меурчињата ја забрзуваат апсорпцијата на алкохолот, затоа ограничете го бројот на чаши пенливо вино, газирани коктели и шампањ.
Потемните пијалоци како виски го влошуваат мамурлакот
Помалку жестоки пијалоци
Потемните пијалоци, особено жестоките како што се ракија или виски, имаат повисоки нивоа на соединенија наречени конгенери, кои се формираат за време на процесот на ферментација и дестилација. Се смета дека овие соединенија го влошуваат мамурлакот – затоа, ако треба да испиете една чаша алкохол, нека биде алкохол со светла боја.
Вода во текот на вечерта
Пред да ве удри алкохолот во глава и да се разбудите следниот ден мамурни – пијте вода. Пијте вода пред да одите на забава или друг вид на прослава. Додека пиете алкохол, паралелно пијте вода. Кога ќе се вратите дома, пијте вода.
Следното утро
Вода повторно
Кога ќе се разбудите, потребна ви е хидратација повеќе од кога било. Можете да направите свој хидратантен напиток така што ќе измешате шест лажици шеќер и половина лажица сол во литар вода и ќе го пиете во текот на денот.
Ограничете го внесот на кофеин
Веројатно очајно сакате да внесете кофеин, но пиењето премногу шолји чај или кафе само ќе ја влоши дехидрацијата – затоа држете се до една шолја додека целосно не закрепнете.
Хранлив појадок
Ова е најдобриот начин да ги надоместите витамините и минералите што вашето тело ги губи додека работи напорно за да го преработи алкохолот. Ако не можете да се натерате да јадете, дури и една чинија житарки за појадок треба да ви помогне да ја надоместите штетата и да го подигнете нивото на енергија.
Избегнувајте аспирин
Можеби мислите дека ќе ви помогне при главоболки, но само дополнително ќе го иритирате вашиот стомак.
Помалку шеќер
Ако копнеете за шеќер, не се препуштајте. Слатките пијалоци и храна само ќе го зголемат вашето и онака неурамнотежено ниво на шеќер во крвта. Наместо тоа, задоволете го вашиот шеќер на природен начин со избирање свежо овошје поради нивната содржина на витамини и вода или правејќи смути од овошје и јогурт.